Publiká riba 18 Mart 2019
Willemstad – Mensahe di parti di Kòrsou:
Ku repudio Gobièrnu di Kòrsou a tuma nota di e atentado horibel ku a tuma lugá na Utrecht awe mainta. Di parti di e habitantenan di Kòrsou, yunan di Kòrsou na Hulanda i den otro parti di mundu, Gobièrnu di Kòrsou ke demostrá solidaridat ku Gobièrnu i e komunidat Hulandes. Nos ta duna nos kondolensia na e víktimanan tambe, nan famia i konosí. E ta un akto hororoso. Gobièrnu di Kòrsou ta deseá Gobièrnu i e komunidat Hulandes masha hopi sabiduria i forsa den nan tratamentu di e suseso impaktante aki.