Publiká riba 02 Yüni 2023
Willemstad – Dr. Albert Martis, Hefe di Servisio Meteorológiko Kòrsou, tabata kantidato resientemente den e elekshon pa e puesto di Sekretario General (SG) di Organisashon Mundial di Meteorologia (WMO). WMO a elehí sra. Celeste Saulo di Argentian komo SG nobo pa WMO.
Kòrsou por ta orguyoso di Dr. Albert Martis ku riba un nivel internashonal ta destaká, i ku por a partisipá na e elekshon menshoná ku ta mará na standartnan internashonal di kantidatonan.
Dr. Albert Martis a keda elehí komo miembro di bestür ehekutivo nobo di WMO (‘Executive Council of WMO’), i lo sigui duna su kontribushon di e forma aki.
Minister Charles Cooper ta orguyoso di Dr. Albert Martis i ta felisit’é den e funshon nobo den bestür ehekutivo di WMO.
