Publiká riba 11 Novèmber 2024
WILLEMSTAD – Kòrsou ta bai baha tarifanan relashoná ku aviashon entrante promé di yanüari 2025. Esaki lo hasi biahamentu mas aksesibel. Ta trata aki di redukshon di tres tarifa spesífiko, esta riba tarifa di aterisahe i stahonamentu di avionnan, tarifa di faslidatnan pa pasahero, i un kontribushon na seguridat di aviashon. E kambionan akí ta ofresé benefisio pa tantu kompanianan di aviashon komo pasaheronan i ta yuda Kòrsou desaroyá su hub internashonal.
Aki bou un resúmen di e ahustenan:
1. Tarifa pa aterisá i stashoná
Un tarifa redusí lo konta pa aterisahe i stashonamentu di avionnan na Aeropuerto Hato. E tarifa redusí akí lo aliviá gastunan operashonal pa aerolíneanan (P.B. 2024, no. 124).
2. Fasilidatnan pa pasahero
Tarifanan ahustá ta konta pa pasaheronan pa uso di fasilidatnan na Aeropuerto Hato. Ku e ahuste akí pasaheronan lo benefisiá di gastunan mas abou ora nan ta sali for di Kòrsou (P.B. 2024, no. 125).
3. Kontribushon na seguridat di aviashon
Pasaheronan ku ta bula komersialmente for di Kòrsou ta yuda kontribuí ku finansiamentu di e supervishon di seguridat den aviashon. Lo redusí e tarifa akí ku ta destiná pa mantené operashon sigur den aviashon (P.B. 2024, no. 123).
Por haña mas detaye tokante e ahustenan akí den ‘Publicatiebladen’ (PB) di 2024, ku ta disponibel komo dokumentonan pa download aki:
Publicatieblad 123: MR-luchtvaartveiligheidsheffing
Publicatieblad 124: MR-Landings-en-parkeergelden
Publicatieblad 125: MR-passagiersfaciliteitengelden
Ku e paso akí, Kòrsou ta enfatisá e importansia di biaha ekonómiko i sigur, i ta komprometé na bira un sentro (hub) di aviashon mas aksesibel den region.
