Kòrsou ta firma e promé MOU ku Bishop's University - Informashon tokante Gobièrnu di Kòrsou Bo opinion

Notisia

Kòrsou ta firma e promé MOU ku Bishop’s University

Geplaatst op 23 April 2018 dor di Ministerio Enseñansa, Siensia, Kultura & Deporte

Gobièrnu di Kòrsou a firma e Memorandum Of Understanding (MOU) ku Bishop’s University di Canada. E MOU ta un akuerdo kaminda tur dos partido ta bai di akuerdo ku puntonan ku ta benefisiá studiantenan di Kòrsou ku bai studia na e Universidat.

Promé  Minister sr. Eugene Rhuggenaath  a firma e akuerdo aki huntu ku su kolega sra. Minister Marilyn Alcalá-Wallé enkargá ku Enseñansa, Siensia, Kultura & Deporte komo ku Gobièrnu ta kere den brinda mas oportunidat na nos hóbennan pa studia den region.  

Ministerio di Enseñansa, Siensia, Kultura & Deporte a negosiá ku Bishop’s University i a yega nan e akuerdo aki ku tin benefisio pa  hóbennan ku ta kumpli ku e kriterionan di Stichting Studiefinaciering Curaçao (S.S.C.) i esnan di e Universidat.  Bishop’s University ta ofresé estudionan riba diferente tereno di maneho di empresa, edukashon, arte i siensia. Nan ta un universidat di Estado ku ta ofresé estudionan di kalidat altu i ta  rekonosé pa Gobièrnu di Canada. Banda di esaki tambe ta bon pa menshoná ku studiantenan ku ta studia na Canada tin e posibilidat pa laborá banda di nan estudio. Pa mas informashon di por tuma kontakto ku Stichting Studie financiering pa mas informashon. I bishitá e wèpsait di e Universidat aki ku ta  (http://www.ubishops.ca).

Gobièrnu di Kòrsou ta sigui negoshá i krea oportunidatnan pa nos studiantenan por studia ku benefisio den region.

Riba potrèt por mira Promé Minister sr. Eugene Rhugenaath, Minister sra. Minister Marilyn Alcalá-Wallé, representante di Bishop’s University, sr. Dan Seneker i Direktor di Maneho di MESKD sra. Susan Larmonie-van Heydoorn.

Ministerio konserní