Publiká riba 11 Novèmber 2021
WILLEMSTAD – E di 41 Konferensia General na UNESCO ta tuma lugá kada 2 aña pa tur e paisnan miembro, i miembro asosiá. E aña aki e ta tuma lugá di 9 di novèmber te ku 24 di novèmber 2021 na Paris i Kòrsou ta partisipá, di forma virtual, na vários di e seshonnan.
Minister di Enseñansa, Siensia, Kultura i Deporte sr. Sithree van Heydoorn a hiba palabra na e konferensia durante di e reunion di dia 9 di novèmber mainta. Durante di e reunionnan ta akordá e programa i presupuesto pa e añanan 2022 te ku 2025 pa UNESCO.
Tambe a elehí e Direktor General di UNESCO sra. Audrey Azoulay pa dirihí e organisashon. Esaki lo ta un di dos término, mirando kuel a keda elehí ku 155 voto for di 169 voto. Klik riba e link aki pa por tende e diskurso kompletu: https://youtu.be/qRKSvFW_YQU.
