Kòrsou ta reuní ku Aruba i St. Maarten tokante tópikonan di aktualidat - Informashon tokante Gobièrnu di Kòrsou Bo opinion

Notisia

Kòrsou ta reuní ku Aruba i St. Maarten tokante tópikonan di aktualidat

Geplaatst op 05 November 2021 dor di Ministerio Asuntunan General i Promé Minister

Willemstad – Djaluna dia 8 di novèmber próksimo, Kòrsou ta partisipá na un konsulta tripartit na Aruba. Pa esaki, Promé Minister Gilmar Pisas i Minister di Finansa Javier Silvania ta bula bai Aruba pa un dia. Durante di e enkuentro ku Ministernan Presidente di Aruba i di St. Maarten, i e respektivo Ministernan di Finansa i nan konseheronan, lo papia di temanan ku ta di interes pa tur e tres islanan. Tópikonan ta entre otro Reto di likides, Areglo di NOW i otro temanan di relevansia i aktualidat.

Komo klousura di e konsulta e Promé Ministernan di Kòrsou, Aruba i St. Maarten lo duna splikashon di e enkuentro den un konferensia di prensa. Prensa di Kòrsou tambe tin oportunidat pa sigui e konferensia di prensa i hasi pregunta, pa asina pueblo di Kòrsou por ta debidamente informá.

Ministerio konserní