Publiká riba 09 Yüli 2025
WILLEMSTAD – Dia 8 di yüli 2025, e reunionnan ofisial di e di 49 konferensha di Hefenan di Estado di CARICOM a konkluí. Promé Minister, sr. Gilmar Pisas, i su delegashon por mira bèk riba un partisipashon fruktífero.
Un di e kontribushonnan prinsipal di Kòrsou durante e konferensha tabata e anunsio, kaminda a mustra interes pa – huntu ku e paisnan miembro di CARICOM – yega na akuerdonan pa evitá dòbel imposishon i prevení evashon fiskal. E akuerdonan lo ta relashoná ku impuesto riba ingreso, ganashi òf benefisio, inkluso ganashi di kapital. Kòrsou ta kere ku eliminá bareranan fiskal – manera dòbel imposishon – ta esensial pa stimulá komèrsio i invershon den region.
Durante e seshonnan, di kua algun tabatin karakter konfidensial, Kòrsou su delegashon a haña oportunidat pa siña for di otro i pa kompartí konosementu ku nos tin. Na regreso, lo pone e informashon akí na disposishon di e diferente ministerionan pa asina sigui eksplorá posibilidatnan i saka lo máksimo for di e relashon ku CARICOM.
“Huntu nos por krea un ekonomia karibense próspero ku ta benefisiá tur nos pueblonan”, segun e mensahe final di Promé Minister Pisas na e konferensha.
WILLEMSTAD – On July 8, 2025, the official meetings of the 49th Conference of Heads of Government of the Caribbean Community (CARICOM) concluded. Prime Minister Gilmar Pisas and his delegation look back on a productive and meaningful participation.
One of Curaçao’s key contributions during the conference was the announcement of its interest in concluding agreements – together with CARICOM member states – for the avoidance of double taxation and the prevention of fiscal evasion. These agreements will relate to taxes on income, profits, and capital gains. Curaçao believes that removing fiscal barriers – such as double taxation – is essential to boost trade and investment across the region.
During the sessions, some of which were confidential, the Curaçao delegation had the opportunity to both learn from others and share its own expertise. Upon return, the insights gained will be made available to the various ministries in order to explore concrete opportunities and maximize the value of Curaçao’s relationship with CARICOM.
“Together, we can build a prosperous Caribbean economy that benefits all our people”, said Prime Minister Pisas in his closing message to the conference.
