Publiká riba 24 Ougùstùs 2026
Willemstad – Servisio di Asuntunan Públiko (Kranshi) di Ministerio di Gobernashon, Planifikashon i Servisio Públiko ta informá públiko ku for di 7 di sèptèmber 2026 lo ta obligatorio pa hasi un sita pa tur persona ku ke inskribí den registro sivil di Kòrsou.
E sistema di sita ta bálido pa tur persona ku ta inskribí pa promé biaha den registro sivil, manera tambe pa personanan ku, despues di establesementu òf regreso na Kòrsou, mester inskribí nan mes di nobo.
Ku e fòrma nobo aki, Kranshi tin komo meta pa sigui optimalisá su servisio, hasi e proseso di tratamentu di petishonnan mas efisiente i minimalisá tempu di espera pa bishitantenan.
Interesadonan mester hasi un sita promé ku nan ta bishitá Kranshi. Ademas, ta rekomendá pa kontrolá adelantá kua dokumentonan ta nesesario pa e prosedura di inskripshon, pa entregá un petishon kompleto. For di 7 di sèptèmber, petishonnan pa inskripshon ta atendé únikamente riba sita.
Ministerio ta pidi tur persona ku mester inskribí den registro civil den e periodo benidero pa hasi nan sita na tempu, pa asina garantisá un proseso lihé i efisiente di e inskripshon.
Mas informashon tokante e prosedura di inskripshon, e dokumentonan nesesario i kon pa hasi un sita ta disponibel riba e website ofisial: Digitaal Loket.
