Kranshi ta restablesé funshonamentu
Publiká riba 19 Yüli 2022
Willemstad – Departamento di Asuntunan Públiko (Kranshi) ta informá na komunidat ku lo e ta habrí bèk djárason, 20 di yüli 2022, despues di un dia será.
Riba djamars, 19 di yüli Kranshi no por a duna su servisionan na su klientenan pa motibu fuera di su alkanse, pero ta kontinuá djárason aki manera kustumber.
- Tur sita ku tabata riba djamars, 19 di yüli ta bai pa djasabra, 23 di yüli 2022 na e mesun orario. Servisionan manera di Pasport, Sedula, Reibeweis i otro dokumentonan ta keda ku e mesun orario ku e tabatin djamars.
- Personanan ku mester a risibí nan pasport djamars, 19 di yüli por pasa for di djárason, 20 yüli 2022, pa tuma nan pasport.
- Studiantenan di SSC ku mester a kita nòmber for di registro djamars, 19 di yüli por pasa djárason, 20 di yüli 2022 entre 4’or pa 6’or di atardi.
