Krusada elevá na altura di Dr. W. P. Maalweg Bramendiweg - Informashon tokante Gobièrnu di Kòrsou Bo opinion

Notisia

Krusada elevá na altura di Dr. W. P. Maalweg Bramendiweg

Geplaatst op 25 July 2019 dor di Ministerio Tráfiko, Transporte i Planifikashon Urbano

Willemstad – Minister Zita Jesus – Leito huntu ku Servisio pa Obra Públiko (OW) ta informá, ku pa alsa seguridat di tráfiko ta laga elevá e krusada di Dr. W.P. Maalweg/ Bramendiweg. Meta di e krusada elevá aki ta pa baha e velosidat di outomobilistanan na momento ku ta kore yega e krusada.  

Trabounan ta kuminsá djamars, 30 di yüli 2019, lo tin un durashon di 2 siman, i ta na enkargo di e kontratista MNO Vervat. MNO Vervat lo hasi su máksimo pa terminá e trabounan den e temporada di fakansi di skol.

OW ta traha huntu ku Departamentu di tráfiko di Kuerpo Polisial (KPC) pa yega na rutanan alternativo. Tambe ta sòru pa habitantenan i komersiantenan keda ku akseso na nan kas òf negoshi. OW i KPC ta pidi tur outomobilista pa sigui e indikashonnan i kore ku koutela.

OW ta gradisí komunidat adelantá pa e pasenshi i koperashon. Pa pregunta por yama òf whats app na 511-8582. Tambe por bishita e website www.vvrp.cw/proyekto pa tur informashon i desaroyo di proyektonan di OW.

Ministerio konserní