Notisia

Willemstad – Servisio di Trafiko i Transporte (UOVV) huntu ku Ofisina di Turismo (CTB) ta inisiá kursonan pa sertifikado A i B den transporte públiko. Esaki ta pa personanan ku ta interesá pa traha den e sektor.

Sertifikado A:

Kurso di Sertifikado A ta prepará partisipantenan pa traha komo shòfùr ousiliar, i ta speshal pa personanan ku pa promé biaha ta bai apliká pa transportá persona kontra pago.

Kriterionan:

• entre 25 i 62 aña,
• no tin un diploma ekivente na MAVO/VSBO TKL òf mas haltu,
• nashonalidat Hulandes i ta registrá na Kórsou
• diploma di Vereniging Veilig Verkeer (VVV). Por inskribí sin e diploma aki, pero den kaso ku e kurso yega na su máksimo di partisipante e preferensia ta bai na esnan ku tin VVV Diploma.

Inskripshon Sertifikado A

https://share.forms.app/certificaattp/sertifikadoa2026

Sertifikado B:

Kurso di Sertifikado B ta destiná pa esnan ku ta trahando kaba den e sektòr, i ke sigui desaroyá pa bira‘ vergunninghouder’.

Kriterionan:

• entre 25 i 62 aña,
• diploma ekivalente na MAVO/VSBO TKL òf mas haltu,
• diploma di Vereniging Veilig Verkeer(VVV),
• karchi komo shòfùr ousiliar (HB kaart),
• nashonalidat Hulandes, i ta registrá na Kòrsou.

Inskripshon Sertifikado B:

https://share.forms.app/certificaattp/sertifikadob2026

Fecha pa kuminsá i gastunan:

E kursonan ta start dia 19 di òktober 2026 i terminá 12 di mei 2027. Despues di e rondá di selekshon, kursistanan lo haña e oportunidat pa paga e gastunan, esta XCG 675,- pa sertifikado A, i XCG 750,- pa sertifikado B. Tin e posibilidat pa paga den 2 biaha, i mester kompletá e montante total pa mas tardá 12 di óktober 2026.

Inskripshon ta habri di 14 di sèptèmber i ta sera di 21 di sèptember 2026 pa 12or di anochi.

Mas informashon:

Pa mas informashon riba kualke duda òf verifikashon di diploma, por manda un whatsapp na 527-8244, mail na  tp.uovv@gobiernu.cw òf yama na433-4123

Kolaborashon:

Partnernan importante den e proseso aki ta Ministerio di Enseñansa, Siensia, Kultura i Deporte(OWCS). E ministerio aki ta esensial den garantisá kalidat di e programa. E sertifikadonan ta wòrdú rekonosé i akreditá konforme e normanan edukativo vigentenan. Tambe Curaçao Tourist Board (CTB) ku a i ta kontribuí na e profeshonalisashon di sektor di transporte públiko. A enfoká riba kontenido di e programma i finansiamentu pa yuda mantené e gastu di e kurso pa e partisipantenan pagabel.

MAS NOTISIA

Ministerio konserní: Tráfiko, Transporte i Planifikashon Urbano