Limpiesa na Skolnan Públiko ta kontinuá - Informashon tokante Gobièrnu di Kòrsou Bo opinion

Notisia

Limpiesa na Skolnan Públiko ta kontinuá

Geplaatst op 29 January 2019 dor di Ministerio Enseñansa, Siensia, Kultura & Deporte

Servisio di Skolnan Públiko ta responsabel pa garantisá limpiesa na tur skol públiko. Esta skolnan di gobièrnu.  E kontratonan ku e kompanianan di limpiesa a vense fin di 2018.

Pa 2019 gobièrnu ta kontinuá ku e servisio i e kompanianan di limpiesa ku aktualmente ta brindando limpiesa na e skolnan. E proseso di aprobashon finansiero a finalisá i tur e kompanianan ku ta limpia skol di Servisio di Skolnan Públiko a wòrdu informá ku gobièrnu ta kontinuá ku e limpiesa konforme palabrashon.

E Akuerdo aki ta drenta na vigor ku forsa retroaktivo for 1 yanüari 2019. Pues kompanianan ta kobra nan entrada kuminsando 1 yanüari 2019 manera presupuestá pa 2019.

Ku esaki Ministerio di Enseñansa, Siensia, Kultura & Deporte ta indiká ku e situashon aki tin  debido atenshon di e Ministerio i Servisio di Skolnan Públiko.

KOMUNIKASHON

Ministerio di Enseñansa, Siensia, Kultura & Deporte

Ministerio konserní