Liñanan di telefòn di Ministerio di Gobernashon, Planifikashon i Servisio Públiko temporalmente for di servisio - Informashon tokante Gobièrnu di Kòrsou Bo opinion

Notisia

Liñanan di telefòn di Ministerio di Gobernashon, Planifikashon i Servisio Públiko temporalmente for di servisio

Geplaatst op 23 June 2020 dor di Ministerio Maneho di Gobernashon, Planifikashon i Servisio Públiko

WILLEMSTAD –   Ministerio di Maneho di Gobernashon, Planifikashon i Servisio Públiko ta diskulpá pa e echo ku diferente di su departamentunan na e momentunan aki no ta aksesibel via di telefòn. Esaki entre otro tambe ta konta pa e liñanan di telefòn di minister Konket.

Ta asina ku UTS/FLOW mester a tuma e desishon di sera e liñanan di telefòn pa motibu di kuentanan habrí. Esaki ta resultado di e rekursonan finansiero limitá ku e ministerio ta disponé di dje, ku a pone ku dado momentu a surgí un retraso pa loke ta trata kumplimentu na tempu di faktura.

Apesar di esaki, e ministerio ta hasi tur esfuerso nesesario pa resolvé e situashon na satisfakshon. Mas pronto posibel ta trata pa tur departamentu ta aksesibel via telefòn atrobe.

Un diskulpa ta bai na klientenan ku di un òf otro forma por eksperensiá inkumbiniensia debí na e situashon.

Ministerio konserní