Publiká riba 02 Mei 2019
Lo hasi trabounan di korekshon riba e kaya di Suffisantweg
Willemstad- Minister Zita Jesus Leito huntu ku Servisio pa Obra Públiko (OW) ta informá ku djabièrnè dia, 3 di mei 2019, lo kuminsá hasi korekshon riba e kaya di Sufisantweg na e via ku ta bai direkshon Schottegatweg Noord.
Lo bai sera e kaminda en konekshon ku un korekshon nesesario riba e via aki. E kaya lo ta sera entre e krusada di Fatimaweg/ Lagoweg te na e krusada di Kaya Jose Pinedoe/ Tia Juana weg.
Djabièrnè, 3 di mei 2019, lo sera e kaminda entre 8:30 di mainta pa 12:00 di mèrdia. Riba e dia aki lo ‘vrees’e kaya di Suffisantweg. Djaluna, 6 di mei 2019, entre 8:30 di mainta pa 12:00 di mèrdia lo asfaltá e kaya di Suffistantweg.
Minister Jesus-Leito huntu ku OW ta pidi tur habitante, komersiante i usuario, pa tene un poko pasenshi mas. Ku pasenshi nos lo gana gloria.
Tambe ta pidi pa tene kuenta ku desviashonnan di tráfiko. Kore ku koutela. OW ta gradisí komunidat i habitantenan pa e pasenshi durante ehekushon di e trabounan aki.
Si tin pregunta òf kualke preokupashon, por tuma kontakto ku Ministerio di VVRP via di e-mail info.vvrp@gobiernu.cw òf via di Whats app na +5999 5118582.
