Notisia

WILLEMSTAD –  Entrante djamars 4 di yanüari 2022, Lokèt di Pèrmit di ministerio di Maneho di Gobernashon, Planifikashon i Servisio Públiko ta notifiká tur persona ku no ta posibel pa risibí kliente personalmente na Lokèt di Pèrmit. Esaki relashoná ku medidanan pa salbaguardiá salú di klientenan i su personal kontra di infekshon di COVID-19.

Departamentonan di Lokèt di Pèrmit semper bai ta lokalisabel via E siguiente kanalnan:

Departamento Bentana di Informashon
Pa informashon general di produkto i servisio di gobièrnu òf pa traha sita, por yama na 433-3123.

• Pa petishon di Verklaring Omtrent het Gedrag (VOG) manda petishon via di email: vog.vl@gobiernu.cw; 
• Pa petishon di Landsverordening Openbaarheid van Bestuur (LOB) por manda un mail na lob.vl@gobiernu.cw; 
• Pa traha sita manda mail na sita@gobiernu.cw òf traha bo sita online via sita.gobiernu.cw. 

Departamento ‘Intake’
Pa entrega di petishon pa pèrmit di labor òf ekonómiko por manda un mail na intake.vergunningenloket@gobiernu.cw. 

Departamento ‘Afgifte’
Pa informashon di státus di un petishon yama 434-1692 òf manda un mail na afgifte.vergunningenloket@gobiernu.cw. 

Lokèt di Pèrmit ta keda konta ku e komprenshon i kooperashon di semper di su klientenan.

MAS NOTISIA

Ministerio konserní: Maneho di Gobernashon, Planifikashon i Servisio Públiko