Publiká riba 17 Novèmber 2026
Willemstad – Un delegashon di Lokèt di Pèrmit di Ministerio di Maneho di Gobernashon, Planifikashon i Servisio Públiko (BPD) resientemente a realisá un bishita di trabou intensivo serka partnernan na Hulanda. E meta di e bishita tabata pa atkirí konosementu nobo i kompartí eksperensia pa sigui mehorá e servisio públiko na Kòrsou i fortalesé e konfiansa di siudadano.
Durante e bishita, e delegashon di Lokèt di Pèrmit a interkambiá eksperensia ku vários instansia gubernamental i partnernan na Hulanda. E enfoke prinsipal tabata riba sentronan moderno di kontakto ku kliente (klantcontactcentrum, KCC), servisio proaktivo i implementashon di un maneho efektivo di omnichannel.
Puntonan kulminante di e bishita di trabou
E programa a inkluí vários enkuentro i seshonnan balioso:
E enkuentro aki a forma un kontinuashon balioso di e interkambio di konosementu ku a tuma lugá aña pasá entre Kòrsou i munisipio di Deventer.
Aplikashon den práktika na Kòrsou
For di e siman di trabou a sali klaramente na kla ku un servisio públiko di kalidat haltu ta bai mas leu ku solamente sistema i proseso di trabou; den su esensia e ta trata di hende, konfiansa mutuo, kooperashon i e boluntat kontinuo pa sigui siña i mehorá.
Un konklushon importante di e siman aki ta, ku un servisio públiko di kalidat ta bai mas leu ku sistema- i prosesonan aktualisá. Pero na promé lugá, e ta trata di hende, konfiansa mutuo, kooperashon i e deseo kontinuo pa sigui desaroyá.
E konosementu atkirí, e mihó práktikanan (best practices) i e kontaktonan di ret ku a keda establesé ta ofresé puntonan di salida direkto pa e siguiente fase di ehekushon i profeshonalisashon di e proyektonan di KCC i omnichannel riba nos isla.
Ku esaki, Ministerio di Maneho di Gobernashon, Planifikashon i Servisio Públiko ta tuma e siguiente paso den direkshon di un servisio orientá riba kliente, transparente i aksesibel pa kada siudadano.