Publiká riba 01 Yüni 2023
WILLEMSTAD – Luna di yüni ta e luna ku Lokèt di Pèrmit ta kumpli 10 aña di eksistensia ofresiendo servisio públiko na komunidat di Kòrsou.
Djaluna, 5 di yüni 2023, ta bai tin un gran selebrashon pa empleadonan di Lokèt di Pèrmit. Esaki huntu ku Minister di ministerio di Maneho di Gobernashon, Planifikashon i Servisio Públiko sr. Ornelio Martina, Sekretario General sr. Etienne van der Horst, Direktor di Sektor Servisio Públiko, sr. Ivar Asjes, i tambe stakeholders i invitadonan.
Mirando ku Lokèt di Pèrmit a logra surpasá retonan grandi durante e 10 añanan, ta selebrá e okashon spesial akí ku un karakter di profundo gratitut. Un grato notisia ku Lokèt di Pèrmit tin ta ku pronto nan ta bai lansa nan sistema digital nobo kaminda e kliente por hasi petishon ‘online’.
Tur empleado di e organisashon akí ta komprometé pa kontinuamente keda brinda i halsa e kalidat di servisio na klientenan di Kòrsou i sobrá mundu.
