Lokèt pa hoben - Informashon tokante Gobièrnu di Kòrsou Bo opinion

Notisia

Lokèt pa hoben

Geplaatst op 07 December 2017 dor di Ministerio Desaroyo Sosial, Labor i Bienestar

Lokèt pa hoben ‘É Hoben, É Relevo’ na SOAW

Willemstad – Sektor di Desaroyo Sosial di Ministerio di Desaroyo Sosial, Labor i Bienestar resientemente a introdusí e lokèt ‘É Hoben, É Relevo’. E hoben entre 18 i 30 aña por yega ku tur su inkietutnan na e lokèt pa hoben, manera problema sosial, problema emoshonal, dropout, e hoben desempleá, e hoben bou di palu etsetera. Ku e hoben ta yega na palabrashon kon ta bai traha huntu pa saké for di e situashon no deseá ku e ta den. Guia sosial, formashon i desaroyo di talento ta primordial den e programa.

E meta ta pa yuda e hoben den:

  • desaroyo di su kapasidat riba tereno sosial i kreativo
  • stimulá kòntròl propio riba su bida
  • stimulá su abilidatnan sosial i konfiansa propio
  • hasi e distansha pa subi merkado laboral mas chikí

E proseso di transformashon ta tuma lugá den estrecho koperashon ku profeshonalnan konserní. Ku introdukshon di e servisio aki SOAW kier kontribuí na desaroyo di e hoben i krea É relevo di mañan.

Ministerio konserní