Publiká riba 07 Yüli 2018
Willemstad – Entrante djaluna 9 yüli 2018 tur servisio ku tabata ubiká den e edifisio prinsipal na Punda lo ta repartí den 3 kas di bario, ku ta: Kas di Bario Otrabanda den Breedestraat, Kas di Bario St. Maria na Jan Noorduynweg i Kas di Bario Brievengat na Kaya John Monsanto.
Ta trata di servisio públiko relashoná ku Sektor di Desaroyo Sosial, servisio di Sektor di Labor i servisio di Sektor Famia i Hubentut.
E servisio pa kliente ku ta atendé ku asuntunan di problema na boka di trabou ta ubiká na Vergunningenloket pa algun siman. Por entregá formulario ku vakatura na Vergunningenloket/Bentana di Informashon na Saliña 127 pa risibí un stèmpel i fecha pa 5 siman, despues por hasi petishon di pèrmit di trabou.
Por manda tur karta/post na e adrès i postbus di Wolkstraat 15. Por manda tur faktura na e resepshonista abou na Wolkstraat 15 pa entregá na piso 4 di Tauberbuilding.
Ministerio di Desaroyo Sosial, Labor i Bienestar (SOAW) ta pidi diskulpa pa kualke inkumbiniensia pa públiko.