Publiká riba 09 Desèmber 2022
Willemstad – Minister Charles Cooper ta aplaudí i sostené trabounan di Aqualectra pa loke ta instalashon di Lusnan di kaya LED na varios sitio na Kòrsou ku ta tumando lugá aktualmente
Por nota riba diferente kaya e impakto ku e tipo di lusnan aki ta hasi anochi riba nos kareteranan. Esaki tambe ta yuda na alsa seguridat den nos tráfiko mirando ku e outomobilista por mira mas mihó anochi ora e ta kore. E outomobilista, danki na e lusnan aki, por mira for di un distansia muchu mas leu su dilanti i por antisipá kualke moveshon mas mihó.
Servisio pa Obra Públiko (OW) ta enkargá ku maneho di lusnan di kaya i tin un kontrato di mantenshon pa esakinan será ku Aqualectra.
Minister Cooper ta hasi tambe un apelashon na nos komunidat pa ban poko poko den tráfiko durante luna di desèmber. Laga nos kore konsiente i trankil i asina evitá desgrasia.
