Lusnan di tráfiko na altura di krusada Abraham de Veerstraat ta for di servisio pa tempu indefiní - Informashon tokante Gobièrnu di Kòrsou Bo opinion

Notisia

Lusnan di tráfiko na altura di krusada Abraham de Veerstraat ta for di servisio pa tempu indefiní

Geplaatst op 27 February 2021 dor di Ministerio Tráfiko, Transporte i Planifikashon Urbano

Willemstad – Servisio pa Obra Públiko (OW) ta informá ku debí na problemanan tékniko e lusnan di tráfiko na e krusada Abraham de Veerstraat/De Ruyterkade/Abraham Mendez Chumaceiro Boulevard no ta funshoná. E lusnan na e krusada aki pa un tempu kaba ta defekto i téknikonan tabata trahando duru pa solushoná e problema. No por a logra esaki i a yega na e konklushon ku mester remplasá e outomaat na e krusada enkuestion.
Mientrastantu ku e trámitenan ta tuma lugá pa haña un otro outomaat, e lusnan di tráfiko na e krusada Abraham de Veerstraat/De Ruyterkade/ Abraham Mendez Chumaceiro Boulevard ta keda for di servisio. Esaki lo ta pa un tempu indefiní.
Servisio pa Obra Públiko ta pidi outomobilistanan pa tene bon kuenta ku esaki i kore ku koutela.

Ministerio konserní