Publiká riba 30 Mei 2019
Lusnan di tráfiko na e krusada entre e kaya di Winston Churchillweg/ Rooseveltweg ta den funshon bèk.
Willemstad – Minister Zita Jesus-Leito huntu ku Servisio pa Obra Públiko (OW) ta anunsiá ku e lusnan di tráfiko na e krusada entre e kaya di Winston Churchillweg/ Rooseveltweg ta den funshon.
Lusnan di tráfiko na e krusada di Winston Churchillweg/ Rooseveltweg na altura di Pizza Hut Sta. Maria òf tambe Mr. & Mrs. Boutique tabata for di servisio pa largu tempu. Motibu di esaki ta debí ku, e lusnan di tráfiko na e krusada no ta moderno, esaki ta pone ku no por a haña e piesa ku tabatin mester pa e lusnan di tráfiko ta den funshon bèk.
Miéntras ku a hasi tur esfuerso pa drecha e lusnan di tráfiko na e krusada, OW a hasi tambe e trámitenan pa haña e apoderashon finansiero pa modernisá e lusnan na e krusada aki. Esaki lo evitá ku lusnan di tráfiko na krusadanan kompliká manera esun di Winston Churchillweg/ Rooseveltweg ta bolbe keda largu tempu for di servisio.
Minister Jesus-Leito huntu ku OW ta satisfecho ku e trabounan a keda hasi, pa asina e lusnan di tráfiko aki ta den funshon bek.
Pa pregunta por yama bosero di OW, Sr. Guanipa na 528-3104 òf bishita e página di facebook di Ministerio di Tráfiko, Transporte i Planifikashon Urbano.
