Publiká riba 27 Òktober 2021
Willemstad – Maneho di Agrikultura i Peska (AVB), ántes LVV, ta bai inisiá un proyekto pa registrá tur agrikultor, kriadó di bestia i piskadó. Apesar ku AVB tin un bon relashon ku e grupo aki i nan respektivo koperativanan, e servisio no tin un registro ofisial i aktualisá. Meta di e registrashon ofisial aki ta pa drecha e relashon i mehorá servisio na sektor agrario.
Den kuadro di registrá tur persona òf negoshi ku ta praktiká agrikultura, krio di bestia òf peska, ta invitá un i tur aktivo riba e terenonan aki pa pasa i registrá na AVB. Tin oportunidat pa hasi esaki djaluna dia 8 di novèmber te ku djaweps 11 di novèmber, di 9’ or di mainta te ku 2’ or di atardi na AVB, Klein Kwartier 33. Pues un súpliká ta bai na tur agrikultor, kriadó di bestia i piskadó pa hasi uso di e oportunidat aki i registrá personalmente na AVB. Pa mas informashon por tuma kontakto ku AVB riba number di telefòn 737 2088 eks. 101.
