Willemstad – Minister Charles Cooper huntu ku Servisio pa Obra Públiko (OW) ta informá ku entrante djaluna 11 di mei 2026, trabounan di mantenshon di kaya lo kuminsá riba Mahumaweg, Kaya Bor i Kaya Wans. Esaki lo tin un durashon di 8 dia.
E trabou ta konsistí di asfaltá e kayanan aki ku ta den mal estado. Kontratista Ortela General Contractor N.V. ta enkargá ku ehekushon di e trabou, i e trabounan lo tuma lugá mainta.
Durante ehekushon di e trabounan aki, habitantenan i negoshinan den e área lo por yega nan kas òf establesimentu normalmente. Pa otro outomobilistanan ku ta hasi uso di e kareteranan aki, lo tin ruta alternativo ku lo wòrdu indiká pa bari i bòrchinan.
Minister Charles Cooper i OW ta hasi un apelashon na tur outomobilistanan pa kore ku koutela.
