Bo opinion

Notisia

Mantenshon di kaminda rònt Kòrsou

Geplaatst op 28 November 2019 dor di Ministerio Tráfiko, Transporte i Planifikashon Urbano

Willemstad – Despues di un fase di análisis i preparashon Ministerio di Tráfiko, Transporte i Planifikashon Urbano a kuminsá ku diferente proyekto di mantenshon rònt Kòrsou. Algun di  e proyektonan lo keda konkretisá promé fin di aña i sobra lo finalisá den 2020. Minister Zita Jesus Leito ta pidi tur outomobilista pa sigui e indikashonnan i kore ku koutela, i ta gradisí pueblo di Kòrsou for di awor pa e pasenshi i koperashon.

E proyektonan
E proyektonan ta na entre otro: den área di Soaux, Esmeraldaweg, Corrieweg na altura di Probista i na Knip. Ehekushon di e trabounan ta den man di diferente kontratista. Nan lo konstruí diferente krusada elevá. Tambe lo drecha fundeshi di diferente kaminda i ta drecha diferente kaminda di tera. Pa trabounan den kada área lo suministrá informashon relevante den diferente forma na habitante i/òf organisashonnan.

Rutanan alternativo
Servisio pa Obra Públiko (OW) ta traha huntu ku Departamentu di Tráfiko di Kuerpo Polisial (KPC) pa yega na rutanan alternativo. Tambe ta sòru pa habitantenan i komersiantenan keda ku akseso na nan kas òf negoshi. OW i KPC ta hasi un apelashon na komunidat pa hasi uso di rutanan alternativo i sigui bòrchinan di indikashon. Tambe un apelashon pa tene kuenta ku trahadónan riba kaya.

Klek aki pa ‘download’ e presentashon kompleto

 

Ministerio konserní