Publiká riba 28 Òktober 2024
Willemstad – Minister Charles Cooper huntu ku Servisio pa Obra Públiko (OW) ta informá ku otro siman djaluna 4 di novèmber 2024, trabounan di mantenshon di kaya ta bai tuma lugá na plenchi di tráfiko na Brievengat. Esaki lo tin un durashon di 2 siman. Tambe lo kuminsá na Casandraweg ku Ledaweg, kual lo tin un durashon di 1 siman.
E trabou ta konsistí di asfaltá karetera ku ta den mal estado. MNO-Vervat ta enkargá ku ehekushon di e trabou. E trabou lo tuma lugá parti mainta.
Durante ehekushon di e trabounan aki, e kaya lo wòrdu será pero habitantenan i negoshinan ku ta keda den e área aki por yega nan kas òf establesimentu normalmente. Pa otro outomobilistanan ku sa hasi uzo di e karetera aki, lo tin ruta alternativo ku lo wòrdu guiá pa bari oraño i bòrchinan.
Minister Charles Cooper huntu ku OW ta hasi un apelashon na tur outomobilista pa kore ku koutela.
