Publiká riba 05 Yüli 2026
Willemstad – Ministerio di Desaroyo Sosial, Labor & Bienestar i Ministerio di Desaroyo Ekonómiko ta informá ku un kantidat grandi di siudadano den e promé gruponan di enfoke ya a risibí e sosten èkstra di 100 florin. A base di e datonan di pago (mei i yüni), e siguiente gruponan a risibí nan kompensashon temporal kaba.
Personanan ku ta risibí ònderstant
Alrededor di 4700 persona ku ta risibí ònderstant a haña nan pago durante 2 luna.
Personanan ku ta risibí AOV i personanan ku ta risibí un penshun di biuda/o wérfano
30 mil persona den e grupo aki, ku tin un total na entrada di ménos ku 30 mil florin pa aña, a risibí e kompensashon èkstra durante dos luna. En total 34700 siudadano a risibí ya pa 2 luna kaba e sosten.
Personanan empleá, doñonan di negoshi chikí (empresarionan chikí), i personanan ku por bini na remarke pa pakete di kuminda ku a registrá na sosten.gobiernu.cw, i ku no a risibí pago ainda, ta debí ku nan petishon no ta kompletu. Despues ku e personanan konserní entregá e informashon i dokumentonan nesesario, nan lo haña un kontesta.
E programa di Sosten ta un medida temporal ku Gobièrnu a tuma pa yuda e siudadanonan mas vulnerabel durante e periodo di subida di kosto di bida debí na desaroyonan internashonal.
Pa mas informashon por tuma kontakto ku e Tim di sosten temporal na telefòn 724-5300.
