Material pa Kreshnan a yega. - Informashon tokante Gobièrnu di Kòrsou Bo opinion

Notisia

Material pa Kreshnan a yega.

Geplaatst op 23 September 2019 dor di Ministerio Enseñansa, Siensia, Kultura & Deporte

Ministerio di Enseñansa, Siensia, Kultura & Deporte (ESKD) den estrecho koperashon ku ‘Stichting Help de Schoolkinderen’ i Stichting ODIM a habri e promé kontainer ku material pa organisashonnan pre-eskolar.

E organisashonnan ariba menshoná huntu ku organisashon gobernamental Sektor di Kultura & Deporte ta kanando un trayekto kaminda huntu nan a logra haña material pa organisashon pre-eskolar, komo donashon. E trayekto aki ta keda guiá i kanalisá konforme e kuadro di lei ku tin. Pa e material nan por a yega i e kontainer por a keda habrí a konta ku basta esfuerso pa esaki komo ku e sentronan di pre-eskolar no ta kai bou di e lei di eksonerashon di impuesto. Pero huntu ku Kuerpo di Aduana a logra pa yega na palabrashon konkreto pa e materialnan keda entregá na e organisashon pre-eskolar komo donashon.

Vários organisashon pre-ekolar a haña e material pre-eskolar awe i den transkurso di simannan benidero mas kontainer lo yega i asina susesivamente Stichting ODIM lo sigui ku e entrega di material.

Ministerio di ESKD ta yama danki na kada un di e organisashon pa nan kontribushon na e trayekto aki i ta kontentu di por sigui konta ku e bon koperashon di kada unu.


KOMUNIKASHON
Ministerio di Enseñansa, Siensia, Kultura & Deporte

**Riba e fotonan athunto por tuma nota di momentu ku Minister di Enseñansa, Siensia, Kultura & Deporte sra. Marilyn Alcalá-Wallé, sra. Denice Bezemer-Hoyer (Presidente Stichting Help de Schoolkinderen), sra. Faricha Wooter-Jansen (Manager di Stichting ODIM) den kompania di lidernan di Kresh i e muchanan a habri e kontainer.

Ministerio konserní