Medidanan di prekoushon den Fort Amsterdam - Informashon tokante Gobièrnu di Kòrsou Bo opinion

Notisia

Medidanan di prekoushon den Fort Amsterdam

Geplaatst op 11 September 2020 dor di Ministerio Asuntunan General i Promé Minister

WILLEMSTAD- Den oranan tempran djabièrnè 11 di sèptèmber, tim di maneho di Fòrti a keda notifiká ku un miembro di personal ku ta laborá den un departamentu na e Ministerio di Asuntunan General a tèst positivo pa COVID-19.

Ku e informashon aki, mesora tim di maneho a tuma kontakto ku Departamento di Epidemiologia pa asina deliberá e siguiente pasonan pa ku trabounan di ‘contact-tracing’ ku ya tabata tumando lugá i tambe eventual medidanan di prekoushon pa seguridat di demas koleganan den e departamento enkuestion i tambe henter Fòrti. 
Departamento di Epidemiologia ta disponé di tur informashon i ta tuma kontakto ku tur persona ku posiblemente tabatin kontakto ekstensivo ku e kolega i ta apliká medidanan konforme protokòl di COVID-19. 

Pa loke ta trata medidanan di seguridat i higiena na e sitio kaminda e kolega aki ta laborá tambe tim di maneho di e ministerio ta aktua konforme protokòl i den deliberashon ku dr. Izzy Gerstenbluth.  

Tim di Maneho di Ministerio di Asuntunan General a sòru di informá tur personal di Ministerio di Asuntunan General debidamente di e desaroyonan aki pa medio di un reunion virtual i ta tumando tur medidanan nesesario konforme protokòl pa asina duna kontinuidat na e trabounan ku e ministerio a bin ta ehersé, den un espasio higiéniko i seif pa tur kolega. 

 

 

 

Ministerio konserní