MENSAHE DI TEKSTO ELEKTRÓNIKO DI DEPARTAMENTO DI ASUNTUNAN PÚBLIKO. - Informashon tokante Gobièrnu di Kòrsou Bo opinion

Notisia

MENSAHE DI TEKSTO ELEKTRÓNIKO DI DEPARTAMENTO DI ASUNTUNAN PÚBLIKO.

Geplaatst op 15 August 2018 dor di Ministerio Maneho di Gobernashon, Planifikashon i Servisio Públiko

WILLEMSTAD – Entrante  awe, 15 di ougùstùs Departamento di Asuntunan Públiko (Kranshi) ta manda yama su klientenan ku posibel fayo den pasaporte pa pasa i laga kontrolá esaki. Pa promé biaha e  Departamento di Asuntunan Públiko ta hasi uzo di e sistema di mensahe di teksto elektróniko. Den boka di pueblo konosí komo SMS message.

 

Dia di 26 yüni último Asuntunan Públiko di ministerio di Gobernashon, Planifikashon i Servisio Públiko a anunsiá ku relashoná ku un fayo ku tabatin na Hulanda den produkshon di pasaporte. Mester tuma medida pa koregí esaki i ta yama esnan ku talbes tin e fayo aki pa pasa na Roodeweg 42 konforme e sita ku nan ta risibí den e mensahe.  

Ministerio konserní