Mester desmantelá tur stènt, trailer òf stelazje riba ruta pa mas tardá 18 di febrüari
Publiká riba 15 Febrüari 2024
Willemstad – Tim di Prekario pa Karnaval 2024 ta informá tur kliente di prekario, ku a konstruí sea stènt, trailer òf stelazje riba ruta di Karnaval, ku mester desmantelá i ‘ruim op’ tur kos pa mas tardá djadumingu 18 di febrüari 3or di mèrdia.
Tim di Prekario ta konta riba koperashon di tur kliente den esaki. Na momentu ku esaki no sosodé, lamentablemente e kliente por pèrdè su derecho di prekario pa Karnaval 2025.
