Publiká riba 16 Mei 2023
Willemstad – Riba djaluna 15 di mei, Minister Charles Cooper huntu ku su delegashon di Kòrsou, a reuní ku Minister di Bibienda di Colombia, Sra. Catalina Velasco. Esaki ta den kuadro di Minister Cooper su biahe di trabou pa Colombia pa yega na ideanan inspirativo i modèrno pa atendé ku bibienda pa pueblo pa nos komunidat.
Durante di e enkuentro ku Minister Velasco, Minister Cooper i su delegashon a risibí un presentashon amplio di e eksitoso programa di desaroyo di bibienda titulá ‘Mi Casa Ya’. Atraves di e proyekto aki, Colombia a yega na miones di kas sosial entregá den e último 8 añanan.
E interkambio aki entre Colombia i Kòrsou ta posibel danki na akuerdonan vigente entre e 2 paisnan.
