Publiká riba 09 Desèmber 2022
Willemstad – Riba djaweps 8 di desèmber, Minister Charles Cooper, rba invitashon di Fundashon Ser’í Otrobanda, a kana den kayanan di Otrobanda akompaña pa Sr. Curt Schoop. Sr. Scoop ta propietario di Bario Hotel i organisadó di e gran evento Kaya Kaya.
Durante di e kaminata, Fundashon Ser’í Otrobanda a duna un presentashon di e ‘Masterplan Connectivity Liveliness and Arts’. Esaki ta un masterplan pa desaroyo di sierto area di Otrobanda.
Fundashon Ser’í Otrobanda a kana ku Minister Cooper i a dun’é e presentashon, pa por risibí su sosten den ehekushon di e plan aki pa revitalisashon di Ser’í Otrobanda su infrastruktura i bibienda.
