Publiká riba 29 Mei 2023
Willemstad – Minister Charles Cooper huntu ku un delegashon di Kòrsou a hasi un biahe di trabou na Hulanda resientemente pa atendé Patrimonio Mundial.
Manera ta konosí, Willemstad tin 25 aña nombrá dor di UNESCO komo Patrimonio Mundial.
Minister Cooper huntu ku su konseheronan a reuní ku e delegado ofisial di Patrimonio Mundial den Reino Hulandes, sr. Cees van Rooijen na Ministerio di Edukashon, Enseñansa, i Kultura na Den Haag.
Meta di e reunion tabata pa haña klaridat riba e trayekto pa informá UNESCO su komishon di Patrimonio Mundial tokante e desaroyonan di Plaza Hotel.
Durante di e interkambio, Minister Cooper a risibí splikashon amplio di e prosedura i tabata e momentu apropiá pa Minister Cooper huntu ku APC prepará dokumentonan relevante pa manda pa UNESCO su ofisina prinsipal na Paris.
Huntu a palabrá ku Kòrsou lo entregá e dokumentonan ofisial na sr. van Rooijen, i e di su parti lo fasilitá pa esakinan keda tradusí na ingles, i bai UNESCO Paris mas pronto posibel.
Minister Charles Cooper ta sigui traha pa kibra bareranan i konstruí un mihó futuro pa Kòrsou.
