Publiká riba 19 Yüni 2025
Willemstad, 19 di yüni 2025 – Minister di Tráfiko, Transporte i Planifikashon Urbano, minister Cooper, i Reliant Realty N.V. a firma dia 16 di yüni un akuerdo pa desaroyo di e proyekto Coral Estate Livin’Green.
Ku firma di e akuerdo aki, e minister ta deklará su dispisishon pa kolaborá na un revisá di e Plan di Desaroyo di Pais (EOP). Esaki ta habri kaminda pa un ampliashon sostenibel di Coral Estate Luxury Resort, bou di e nòmber Livin’Green. E proyekto ta enkuadrá den e vishon mas amplio pa un desaroyo turístiko di nivel haltu pa Kòrsou. Ku e desaroyo aki, e masterplan pa Coral Estate, aprobá den 1994 pa gobièrnu di e tempu wi, lo wòrdú kompletá.
Minister Cooper a enfatisá durante e firmamentu e importansia di e tipo di kooperashon aki:
“Ku e proyekto aki nos ta demostrá ku desaroyo ekonómiko i preservashon di paisahe por kana huntu. Nos ta orguyoso di e paso aki.”
Ku un invershon promedjo di mas o ménos 30 mion USD, Livin’Green ta represèntá un kontribushon di kalidat pa e resort i pa e produkto turístiko di Kòrsou. E plannan ta inkluí:
29 unidat hotelero den dos fase, inkluso respshon i restaurant;
7 villa na laman, inkluso 4 na e kosta direktamente;
4 villa di kuido, ku total di 12 suite di kuido i un kas pa personal di kuido.
E desaroyo ta tuma lugá ku konsiderashon pa e balornan natural di e zona. Pa motibu ei, un estudio di naturalesa amplio a tuma lugá. Un parti di e zona lo keda ku e destinashon di zona di konsèrvashon. Esaki ta inkluí un parti na banda wèst i e promé 15 meter di kosta. Di e zona ku lo kambia destinashon, solamente 30% lo wòrdú konstruí, mientras 70% lo keda habrí i bèrdè. Den e desaroyo lo usa mata nashonal pa stimula biodiversidat.
Komo parti di e proseso planológiko, gobièrnu lo organisá un seshon públiko di oudishon riba 23 di yüni tokante e proposishon di revishon i e mapa planifiká ku ta akompáñ’é. Opinion di e partisipanten ta bon biní i lo wòrdú tuma na konsiderashon den e proseso di desishon.
