Notisia

Willemstad – Minister Charles Cooper, huntu ku e Servisio pa Obra Públiko (OW), a entregá ofisialmente kartanan di enkargo na kuater kontratista grandi pa ehekutá diferente trabou di mantenshon i asfaltá di kamindanan na diferente lugá na Kòrsou.

Ku e kartanan di enkargo aki, un fase nobo di e programa di mantenshon di kamindanan di ministerio ta kuminsá. E trabounan ta dirigí riba mehorá seguridat di tráfiko, fasilitá aksesibilidat, i durabilidat di nos infrastruktura, i tambe eliminá e atraso di mantenshon den diferente bario..

E trabounan lo tuma lugá na e siguiente lokashonnan:

• Mantenshon Weg naar Fuik (Fuik)
• Asfaltá Andres Belloweg (Brievengat)
• Mantenshon Kaya Djembe (Sta. Rosa)
• Asfaltá Cocolodeweg (Montagne)
• Mantenshon Stakamahachiweg (Montagne)
• Mantenshon Nestorweg, Kaya Sole i Talon (Ronde Klip)
• Mantenshon Bonacaweg (Sta. Maria)
• Mantenshon Kaya Afido (Seru Mahuma)
• Mantenshon Weg naar Welgelegen
• Mantenshon Winston Churchillweg
• Mantenshon Souax West – Fase 1
• Mantenshon Souax West – Fase 2
• Mantenshon Monreposweg
• Trabou adishonal – Jan Noorduynweg / Schonegevelstraat

OW lo supervisá e progreso i kalidat di ehekushon di e proyektonan pa sigurá ku tur kos ta bai segun planifikashon i norma tékniko.

OW ta pidi tur usuario di kaminda pa tene kuenta ku posibel molèster temporal den tráfiko durante e trabounan i sigui e desviashonnan indiká.

Mas informashon tokante planifikashon i fase di e trabounan lo wòrdú komuniká oportunamente via e kananan ofisial.

MAS NOTISIA

Ministerio konserní: Tráfiko, Transporte i Planifikashon Urbano