Publiká riba 26 Aprel 2021
Vishon di nos pais ta pa tur mucha, hóben i adulto haña akseso igual na enseñansa di kalidat. Di e forma aki, e por desaroyá i eduká su mes optimal di un forma integral i yega na su máksimo potensial komo individuo den nos komunidat. For di aña 2018, den kuadro di ‘SMART Nation Development’ a krea un struktura pa huntu traha di forma integral riba e desaroyo aki den enseñansa tambe.
Ku e vishon di desaroyo digital den mente Minister di ESKD sr. Steven Croes huntu ku e tim di Ministerio di ESKD ta traha pa e desaoyo optimal den kuadro di digitalisashon di Enseñansa. Durante di e aña di pandemia aki, ku enseñansa a keda influensiá, Minister di ESKD sr. Steven Croes a traha riba vários punto, kual ta:
un maneho di Enseñansa riba distansia (Beleidsnotitie Afstandonderwijs), akuerdo ku Digicel pa optimalisá akseso na internèt i spit di internèt na skolnan, i
firma akuerdo ku Microsoft Teams pa aktivá un struktura di digitalisashon na tur skol.
Alabes komo parti di e trayektonan aki, ta bai kuminsá ku formashon digital pa tur edukadó i asina ta sigui ku mas programanan di optimalisashon den enseñansa huntu ku tur e ‘stakeholders’nan nobo.
Durante e luna di aprel, Ministerio di ESKD a firma ku un akuerdo ku Blue NAP Americas pa e asina yamá ‘Curaçao’s Enige Tier-IV’. Esaki ta un sentro di datos sertifiká pa kolekshon di data. Meta di e akuerdo ta pa traha riba optimalisahson profeshonal di digitalisashon di enseñansa. E akuerdo aki ta spesifikamente pa salbaguardiá nos informashon pa loke ta seguridat pa ku nos mes ‘Cloud’ privá den un sentro di informashon kaminda nos tin sosten profeshonal di ICT i Back-up. Esaki ta nifiká ku studiante, skol i Ministerio di ESKD por tin un servisio profeshonal i di kalidat pa kolekshon di informashon den e sentro di datos.
Awor a toka turno pa firma un akuerdo ku Dataplanet N.V. ku ta bai traha riba e instrastruktura di kolekshon di informashon. E akuerdo ku Dataplanet N.V. ta un “Raamovereenkomst dienstverlening”, kaminda Gobièrnu ta bai haña e servisionan pa un sentro di informashon/data gobernamental pa enseñansa. E sentro aki ta un sentro kaminda e seguridat di e informashon ta keda salbaguardiá di un forma sigur i den un ‘opslagplaats’ di Gobièrnu.
Ku e akuerdo aki, Minster di ESKD sr. Steven Croes ta logra otro meta mas pa optimalisashon digitalisashon di nos enseñansa kaminda e mucha, edukadó, mayor, i komunidat por desaroyá su mes riba e infrastruktura digital den futuro na momentu ku tur e trayektonan aki sigui kana i kristalisá.
