Minister di Finansa a duna instrukshon pa agilisá kobransa di impuesto atrasá - Informashon tokante Gobièrnu di Kòrsou Bo opinion

Notisia

Minister di Finansa a duna instrukshon pa agilisá kobransa di impuesto atrasá

Geplaatst op 09 July 2021 dor di Ministerio Finansa

WILLEMSTAD – Minister di Finansa sr. mr. drs. Javier Silvania a introdusí liñanan di guia pa agilisá kobransa di impuesto atrasá, pa asina yuda hisa entrada pa kaha di gobièrnu. E akshon di kobransa akí ta konta pa entre otro: impuesto riba entrada, impuesto di salario, impuesto riba ganashi, impuesto riba herensia, onroerendezaakbelasting (OZB), impuesto riba benta i impuesto pa rekohé shushi. Minister di Finansa ta enfatisá ku e tèrmino pa yega na areglo di pago pa sana debe ta konta pa solamente 3 luna, kual ta drenta na vigor djaluna 12 di yüli 2021 i ta términa 12 di òktober 2021.

Personanan ku ta bin na remarke pa hasi apelashon pa sana nan debe di impuesto mester a risibí nan deklarashon di impuesto ku ta fechá 31 di desèmber 2020 òf riba un fecha anterior.

Ta otorgá sanamentu di debe konforme e siguiente tabèl:

Porsentahe di sanamentu Debe di 2020 i mas bieu
Debe < 100.000
Pago mesora
Porsentahe di sanamentu Debe di 2020 i mas bieu
Debe > 100.000
Pago mesora
40% 60% 30% 70%
30% 50% 25% 60%
25% 40% 20% 50%
20% 30% 15% 40%
15% 20% 10% 30%
10% 10% 5% 20%
0% 0 0% 0

Den kaso ku e debe atrasá di impuesto ta ménos ku 50.000 florin, Ontvanger por duna, riba petishon di e pagadó, oportunidat pa e pagadó di impuesto paga su debe mensual te na un máksimo di 48 luna.

Penshonadonan ku ta kobra solamente AOV lo haña eksonerashon di onroerendezaakbelasting (OZB).

Pa mas informashon por tuma kontakto riba number 734-2224 òf via e siguiente e-mail adrès: sanering@gobiernu.cw. Pa mas detaye por bishitá website: www.minfin.cw/kobransaimpuestoatrasa 

Ministerio konserní