Publiká riba 15 Òktober 2024
WILLEMSTAD – Minister di Hustisia Shalten Hato despues di a tuma nota di resultadonan di investigashon interno i tambe kombersashon ku Hefe di Kuerpo Polisial Kòrsou, Minister a aserka Prokurador General di Ministerio Públiko, relashoná ku e inkietut nan ku a ser vosiferá. Despues ku Minister di Hustisia a Prokurador General, pa diskutí e posibilidatnan pa Landsrecherche hasi un investigashon den e kaso aki i tambe duna klaridat si tin kualke prosedura ku no a ser kumpli korektamente den e kaso enkuestion. E investigashon ku Landsrecherche lo efektuá ta kana lòs for di e investigashon interno den Kuerpo Polisial Kòrsou ku ya a inisiá den e kaso aki. Prokurador General a indiká na Minister di Hustisia despues di e kombersashon sostené ku enberdat komo Prokurador General e la duna indikashon na Landsrecherche pa inisiá un investigashon di echo relashoná ku morto di e dama di nashonalidat kolombiana ku a fayesé dia 2 di òktober ultimo na Kòrsou.
Den kuadro di e investigashon ku Landsrecherche a inisiá, lo no por duna mas detaye den e kaso aki. Minister di Hustisia ta ekstendé palabranan di kondolensia na famianan di e defuntu.
