Publiká riba 02 Òktober 2020
Awe mainta nos (Mando Polisial i Minister di Hustisia) a onra Agente Polisial G.Marie, ku den su tempu liber (despues di orario di trabou) a intervení den un kaso di atrako ku tabata tumando lugá i asina detené e “famoso” atrakadó “Pechi Gera/Vitz Shinishi”.
E último aki tabata responsabel pa mas ku 40 kaso di atrako último 2 añanan i tabata riba radar di Kuerpo Polisial pa un ratu kaba.
Nos por ta orguyoso di sr. Marie ku tabata konsiente ku su responsabilidat pa sirbi i protehá no tei solamente ora e tin su unifòrm bistí, sino tambe ora e baha trabou i ta den su tempu personal. E ta un ehèmpel di nos Kuerpo Polisial i e sakrifisio ku nan ta hasi tur dia di nobo.
Un pabien na Kuerpo Polisial Kòrsou kompletu ku e detenshon aki. Nos komunidat ta tuma nota di boso trabou ekselente. Nos tur por drumi un poko mas trankil i sigui focus pa solushoná mas kaso.
