Publiká riba 15 Òktober 2019
Willemstad – Den kuadro di un mihó servisio na Pueblo di Kòrsou, Minister di Desaroyo Sosial, Labor i Bienestar, ing. Hensley F. Koeiman, lo start ku bishitanan na e diferente kasnan di bario i Sentronan di bario ku e intenshon pa kompilá e nesesidat berdadero serka e pueblo i pa despues por prosesá esakinan den ayudo i alivio den e kuadro sosial, laboral i bienestar duradero. Pa esaki e Minister lo ta na Kas di Bario Sta. Maria djasabra awor dia 19 di òktober 2019 di 8’or pa 11’or di mainta. Habitantenan di Sta. Maria i besindario ta keda kordialmente invitá pa bin topa i papia ku minister Koeiman.
