Minister Koeiman ta vigilá adelanto ‘Dashboard Merkado Laboral’ - Informashon tokante Gobièrnu di Kòrsou Bo opinion

Notisia

Minister Koeiman ta vigilá adelanto ‘Dashboard Merkado Laboral’

Geplaatst op 27 July 2020 dor di Ministerio Desaroyo Sosial, Labor i Bienestar

 

Willemstad – Siman pasá minister Hensley Koeiman tabata tin un enkuentro ku direktor Robert Hermans di ‘Development Urban & Regional data Centres’ di e ofisina sentral di statistik di Hulanda CBS pa papia tokante e adelanto di e proyekto ‘Dashboard di Merkado Laboral Curaçao’.

Desde medio 2019, tin un relashon di koperashon estrecho entre CBS Curaçao, CBS Hulanda i Ministerio di Desaroyo Sosial, Labor i Bienestar. CBS Hulanda ta sostené CBS Curaçao ya pa algun tempu den aplikashon di (re)uso di data segun e delaster téknologianan, pa optimalisá uso di data riba e isla. Esaki ta ofresé e posibilidat na gobièrnu di Kòrsou pa entre otro solushoná problemanan sosial agudo ku ayudo di data stukturalmente i duradero. Pa garantisá un desaroyo duradero di e pais, ta un kondishon ku maneho dirihí riba data ta aportá visibelmente na mas balor públiko. Ministerio di Desaroyo Sosial, Labor i Bienestar (SOAW) komo delantero, a kue e inisiativa aki tene ku tur dos man i for di esaki a sali e proyekto ‘Dashboard Merkado Laboral Curaçao’.

Durante e enkuentro aki señor Hermans a duna minister Koeiman un bista den e adelanto di e tan importante proyekto aki. Sigur si mira e situashon aktual di merkado laboral na Kòrsou ta hopi importante pa tin tur informashon relevante tokante e merkado laboral na un manera kla, transparente i amikal disponibel. Asina aki tur esnan enbolbí por haña akseso na e datonan real. A desaroyá e dashboard di tal manera ku aparte di pa merkado laboral por husé pa riba tur temanan importante di maneho di gobièrnu. Di e manera aki por formulá maneho, tuma desishonnan, traha sita, etsetera.

Fin di oùgustùs lo tene presentashon pa entre otro Konseho di Minister i e partnernan sosial. Minister Koeiman ta satisfecho ku e adelanto i ta spera e presentashonnan fin di oùgustùs ansiosamente.

Ministerio konserní