Minister Pietersz- Janga a reuní ku komersiantenan ku tin boto na Haf di Piskadó na Caracasbaai - Informashon tokante Gobièrnu di Kòrsou

Notisia

Ministerio konserní Salubridat Públiko, Medio Ambiente i Naturalesa
 

Minister Pietersz- Janga a reuní ku komersiantenan ku tin boto na Haf di Piskadó na Caracasbaai

Publiká riba 03 Òktober 2022

Willemstad – Resientemente Minister Dorothy Pietersz- Janga a risibí un grupo di komersiante ku tin “ligplaats” na Haf di Piskadó na Caracasbaai. E bishita aki ta segun palabrashon ku Minister a traha ku e komersiantenan. Den un ambiente ameno e komersiantenan por a duna nan punto di bista di e medidanan ku ministerio ta tumando pa por trese òrdu bék na e haf di piskadó.

Relashoná ku e haf Minister ta hibando un asina yamá “standstill beleid” pa huntu ku e usuarionan por implementá e medidanan di orden na e haf. No por bini niun boto mas aserka. Den un periodo di 6 luna ministerio huntu ku usuarionan lo implementá e medidanan, monitoriá i evaluá e situashon. Tur boto ta bai haña un ligplaats apuntá. Tur boto òf usuario mester paga ligplaats leges òf un tarifa pa uzo di fasilidatnan na e haf. Botonan komersial lo bai paga un otro tarifa pa e ligplaats. Lo registrá i otorgá batch pa tur hende ku lo ke subi riba e tereno di e haf. Tambe ministerio lo bin ku tarifa pa botonan por para rekohé hende na e haf.

###