Publiká riba 13 Mei 2026
WILLEMSTAD – Awe atardi Minister Presidente di Kòrsou, Sr. Gilmar Pisas, a risibí Minister Presidente di Hulanda, Sr. Rob Jetten, na Aeorpuerto Hato. Ku e bishita aki, Sr. Rob Jetten ta klousurá su promé bishita na e seis islanan Karibe Hulandes.
E bishita ta enfoká riba fortalesé diálogo, koperashon i relashonnan den Reino, ku atenshon speshal pa desaroyo sostenibel i resilensia sosial. E programa di Minister Jetten ta inkluí diferente enkuentronan entre otro ku representantenan di sektor públiko, sektor sosial i sektor empresarial. Tambe lo bishitá algun proyekto i inisiativanan lokal.
Na aña 2023, tabata Sr. Jetten su último bishita na Kòrsou den su kapasidat komo Minister pa Klima i Energia di Hulanda.
E bishita di trabou aki ta marka importansia di diálogo i koperashon kontinuo entre Kòrsou i Hulanda, na benefisio di bon relashon i konfiansa den reino.
Minister Presidente Gilmar Pisas saludá e Minister Presidente di Hulanda, Rob Jetten.
