Publiká riba 15 Mei 2026
WILLEMSTAD – Djaweps 14 di mei Minister Sithree van Heydoorn huntu ku Promé Minister di Hulanda, Rob Jetten, a bishitá Museo Tula na Landhuis Kenepa huntu nan delegashonnan.
Direktora di Museo Tula, señora Jeanne Henriquez a risibí e delegashonnan. E tema tabata: resistensia, resilensia i e proseso di emansipashon di pueblo di Kòrsou.
Na yegada, e mandatarionan a haña un resepshon tradishonal ku suplamentu di ‘Kachu di Kareda’, siguí pa un presentashon di tambú tradishonal di Grupo di Oro Pretu. Despues, e delegashon a bishitá algun parti di e museo, kaminda hobennan tambe a fungí komo guia. Asina, e museo ta mustra kon herensia kultural, edukashon i partisipashon di hobennan tambe ta parti di desaroyo sostenibel.
Durante e bishita, a pone atenshon riba e historia di sklabitut i e balor di libertat, dignidat i konsiensia sosial den komunidat di Kòrsou.
Komo klousura di e bishita , e ministernan a risibí un moneda simbóliko di Tula komo rekordatorio di nan bishita na e museo.
