Ministerio di Enseñansa, Siensia, Kultura i Deporte (ESKD) a instituí un Plataforma HAVO/VWO - Informashon tokante Gobièrnu di Kòrsou Bo opinion

Notisia

Ministerio di Enseñansa, Siensia, Kultura i Deporte (ESKD) a instituí un Plataforma HAVO/VWO

Geplaatst op 26 April 2018 dor di Ministerio Enseñansa, Siensia, Kultura & Deporte

Ministerio di Enseñansa, Siensia, Kultura & Deporte a instituí “Plataforma HAVO/VWO” pa asina mehorá i garantisá  kalidat di estudionan riba nivel HAVO i VWO na Kòrsou. Esaki ta sali for di e punto di bista di e “Akuerdo di Gobernashon 2017-2021” i “Programa di Gobernashon 2017-2021” ku ta forma base pa realisá e máksimo potenshal di nos hóbennan. Gobièrnu di Kòrsou ta para pa formashonnan ekselente di nos hóbennan i pa tur mucha tin oportunidat pa forma nan mes segun nan máksimo potenshal.Pa alkansá esaki, Minister di Enseñansa, Siensia, Kultura i Deporte (ESKD) sra. Marilyn Alcalá-Wallé a instituí e “Plataforma HAVO/VWO”.

Riba potrèt por mira presentenan durante Reunion di Plataforma HAVO/VWO; Sra. C. Obispa, sra. M. Thomasia, sr. Bert Toebes, sra. M. Zuidgeest, sra. M. La Croes, sr. E. Haseth, sr. W. Kleinmoedig, sr. E Perigault Monte, sra. I. Berggraaf, sr. R. Sillé, sra. S. Jansen van Uytrecht.

E plataforma ta bai hasi evaluashon di e struktura di enseñansa di HAVO/VWO ku tin aktual pa asina por duna konseho pa hasi adaptashon na e maneho. Tambe e ta bai inventerisá riba e nesesidatnan ku tin den e kampo di enseñansa, ehekutá konsehonan i posibel solushonnan pa e retonan ku tin den enseñansa.E plataforma ta konstistí di e siguiente representantenan:Direktor di sektor “Uitvoeringsorganisatie O nderwijs en Wetenschap (UOW)”, direktor di maneho di Ministerio (ESKD), Inspektor General, direktor di “Expertisecentrum Toetsen en Examens (ETE)”, funshonarionan di enseñansa HAVO/VWO di Dienst Openbare Scholen (DOS), direktivanan di enseñansa partikular, rèktor di skolnan di HAVO/VWO ku ta wòrdu supsidiá dor di Gobièrnu i ekspertonan eksterno riba petishon.

Ministerio konserní