Publiká riba 29 Yüli 2026
Willemstad – Riba djárason, 29 di yüli 2026, Ministerio di Finansa a duna un presentashon na Konseho di Minister tokante di ‘Kapitaaldienst 2027’.
E presentashon aki ta forma parti di e preparashonnan regular pa e presupuesto di aña 2027 i e próksimo añanan. E seshon akí a sirbi alabes komo un momentu importante pa informá e ministernan tokante di progreso i e puntonan di salida pa por sigui traha mas aleu riba entre otro proyektonan gubernamental.
Huntu ku señora Lysette Melfor, Sekretario General interino di Ministerio di Finansa, tabata presente e ámtenarnan eksperto konserní di e Sektor di Maneho Finansiero i di Presupuesto: Carvin Eustatius, Shayna Royer i Hayworth Felipa.
E seshon akí a brinda un oportunidat pa splika, koordiná i kontestá preguntanan p’asina demas preparashonnan i trabounan por kontinuá di forma kouteloso i kolaborativo.
