Ministerio di Finansa a prolongá e posibilidat di sanashon di debe di impuesto te ku 31 di desèmber 2021 - Informashon tokante Gobièrnu di Kòrsou Bo opinion

Notisia

Ministerio di Finansa a prolongá e posibilidat di sanashon di debe di impuesto te ku 31 di desèmber 2021

Geplaatst op 03 November 2021 dor di Ministerio Finansa

Willemstad – 12 di yüli 2021 Ministerio di Finansa a publiká instrukshon pa kobra impuesto, den kua a duna posibilidat pa den kaso di pago total di un suma di debe di impuesto habrí, por hasi un petishon pa sanashon di e suma restante. E regulashon manera deskribí den e instrukshon tabata en prinsipio bálido pa un periodo di tres luna, terminando riba 12 di òktober 2021.

Pa motibu di éksito, Ministerio di Finansa a prolongá e posibilidat di sanashon te ku 31 di desèmber 2021. Den e kaso aki mester menshoná ku for di awor e instrukshon ta balido tambe pa impuesto di tereno manera e tabata aplikabel te ku 31 di desèmber 2013, pa primanan soshal i e seguro di trahado. Lo spera ku agregashon di primanan soshal den e ámbito di ehekushon di e regulashon di sanashon lo tin, meskos ku den kaso di impuestonan un efekto positivo riba entrada riba término kòrtiku i largu.

Ta spera ku kontinuashon di e regulashon di sanashon te ku fin di aña lo generá NAf 11,6 mion di entrada di impuesto èkstra ku e posibilidat ku e suma aki lo oumentá te ku Naf 16,2 mion. Ta kalkulá ku for di 2021 lo generá un montante di NAf 19 mion di prima soshal pa aña.

E meta ta realisashon di NAf 19 mion (2,5%) èkstra na 2021, 2022 i 2023 kompará ku e nivel di 2020. A base di sifra di realisashon te ku ougùstus 2021 esaki ta parse un meta ku por realisá te ku awor aki. Pa e aña di presupuesto aktual esaki ta nifiká realisashon di e entrada di prima ku ta NAf 44,4 mion mas haltu ku a presupuestá anteriormente.

Richtlijnen ter invordering van openstaande schulden bij de Ontvanger 1 november 2021)

Ministerio konserní