Ministerio di Finansa ta hasi todo lo posibel pa reanudá servisio di Ontvanger i di Inspekshon di Impuesto - Informashon tokante Gobièrnu di Kòrsou

Notisia

Ministerio konserní Finansa
 

Ministerio di Finansa ta hasi todo lo posibel pa reanudá servisio di Ontvanger i di Inspekshon di Impuesto

Publiká riba 23 Ougùstùs 2019

WILLEMSTAD – Ministerio di Finansa ta hasi su máksimo esfuerso pa reanudá servisio di Ontvanger i di Inspekshon di Impuesto. Pero pa e momentu akí tin diferente aspekto ku tin ku tene kuenta kuné, ku ta trese poko retraso den intento pa kuminsá traha bèk. E aspektonan akí ta e investigashon ku ainda ta tumando lugá den e edifisio, i na momento ku e edifisio bira asesibel mester garantisá salú i seguridat di personal. Mientras ku outoridat ta hasi investigashon lo no duna pèrmit pa drenta e edifisio.

Klientenan ku tin ku entregá dokumento manera verzoekschrift òf bezwaarschrift por entregá esaki por lo pronto na ofisina di Ministerio di Finansa na Pietermaai 17.

SBAB lo no ta habrí djaluna manera anunsiá anteriormente, pero lo habri su portanan djamars pa duna servisio na su klientenan si tur kos sigui kana segun plan.

Ministerio di Finansa lo keda mantené tur hende informá ki dia i unda lo reanudá servisio di Ontvanger i di Inspekshon di Impuesto pa públiko.