Ministerio di GMN a selebrá Dia Mundial di Salú 2022 - Informashon tokante Gobièrnu di Kòrsou

Notisia

Ministerio konserní Salubridat Públiko, Medio Ambiente i Naturalesa
 

Ministerio di GMN a selebrá Dia Mundial di Salú 2022

Publiká riba 08 Aprel 2022

Willemstad – Dia 7 di aprel ta Dia Mundial di Salú i e tema di e aña aki ta “Nos Planeta, Nos Salú”. Den e kuadro aki Ministerio di Salubridat, Medio Ambiente i Naturalesa a invitá SOKUDI pa midi preshon i peso i tèst suku di su personal. Esaki a tuma lugá na ofisina prinsipal di Ministerio di GMN na Roodeweg. Minister dr. Dorothy Pietersz- Janga a hasi e apertura ofisial i durante un diskurso kòrtiku minister a mustra entre otro riba e importansia pa kuida nos planeta paso ta nos planeta ta produsí e kuminda ku mester mantené nos salú.